Энэ бүхэн Холбоос

Зээ блог гэдэг богино үгийн

Дуусашгүй шидийг үзүүлж яваа

Наанаа Эрдэнийн сантай

Цаанаа хогын тамтантай

Ноён зантай ч нохой явдалтай

Өндөр гэгээний хойд дүр

Өнөө цагийн Галаус хүүдээ зориулав

Наашаа харахад нь нар мэлтийхгүй ч

Цаашаа харахад нь Банжиг санах

Угсруулж урсгах хэдэн үг нь

Уйтгар үргээх гол үүрэг нь

Өндөр дээрээс бүгдийг хараад өөрийнхөөрөө эвлүүлж бичдэг

Өрөөлийг шоглохдоо гарамгай ч, өөрийгөө ч заримдаа хийчихдэг

Бичлэг бүрээрээ бут ниргэнэ тархи цоолно

Чичлэх хуруугаараа тувт сийлнэ keyboard ноолно

Хадуурч ирээд хамж аваад хальт цохиод хагас дуусгана

Хөнтөрч орхиод харааж муулаад хоёрын дунд яс хаяна

Нуга нуга инээн хуга хуга цуурна 

Нис нис хэмээн  бяц бяц үсэргэнэ

Толгой тархины хэн ч мэдэхгүй үсэргээн

Тохой булангийн хэн ч тоохгүй маргаан

Элдэв дээдийг чамаас харлаа

Энэ бичлэгээ ингээд хаалаа

 /2008.02.15. За за за за нэг ингэс гээд бичсэн болгоод л өнгөрчий, зүгээр биз дээ хөгшөөн/